د عامې روغتیا وزیر په خپل کاري دفتر کې د افغانستان لپاره د UNFPA سازمان له مشر سره وکتل
د افغانستان اسلامي امارت د عامې روغتیا وزیر، ښاغلي مولوي نورجلال جلالي په خپل کاري دفتر کې د افغانستان لپاره د UNFPA سازمان له مشر، ښاغلي کوابینا اسانتي او مل پلاوي سره په سپینو سیمو کې د روغتیايي ځالو جوړېدو، د جوړو شویو روغتیايي ځالو د خدمتونو پر پراخوالي او د مور او ماشوم لپاره د ځانګړو روغتیايي خدماتو په موخه لیدنه ترسره کړه
د عامې روغتیا وزیر، ښاغلي مولوي نور جلال جلالي د یاد سازمان له لوري د جوړو شویو مرکزونو او روغتیايي ځالو په موخه خوښي څرګنده کړه او په راتلونکي کې د نويو روغتیايي ځالو د جوړېدو پر مهال د معیاري او نویو نقشو عملي کولو غوښتونکی شو.
د عامې روغتیا وزیر د لرې پرتو سیمو اوسېدونکو لپاره روغتیايي خدماتو برابرول خپل لومړیتوب یاد کړ او په خپله وینا یې په دې برخې کې به دوامداره هڅې کوي؛ ترڅو تر ټولو سپینو او لرې پرتو سیمو اوسېدونکو ته روغتیايي خدمات ورسوي.
سربېره پر دې نوموړي د UNFPA سازمان له لوري د هېواد په ولایتونو کې د ښځینه ناروغانو لپاره د فیسټولا برخه کې د روغتیایي خدماتو د همکارۍ او پاملرنې غوښتونکی شو.
