د غمرازۍ پیغام

Panah_moph

په ډېر تاسف او خواشینۍ سره مو خبر تر لاسه کړ چې ډاکتر خلیل نرمګو، د مرکزي بغلان ولسوالۍ روغتون د جراحۍ څانګې مسؤل او د بغلان د خبریالانو د اتحادیې پخوانی رییس نن ماښام د پلخمري- مرکزي بغلان پر لویه لاره د مسلح کسانو لخوا په مظلومانه ډول په شهادت رسېدلی.

د عامې روغتیا وزارت رهبري، د ډاکتر نرمګو شهادت د افغانستان د روغتیا سکتور لپاره لویه ضایعه وبلله، د روغتیا سکتور د طبیبانو او هڅاندو کار کونکو وژل په کلکه غندي او د روغتیایي ټولنې له فرد فرد څخه ملاتړ خپل مسؤلیت ګڼي.

د عامې روغتیا وزارت رهبري، د روغتیایي کار کونکو د امنیت خوندیتوب د نشتون له امله اندېښنه څرګندوي او له امنیتي مسؤلینو څخه غواړي چې د روغتیایي کار کونکو د امنیت د خوندیتوب په برخه کې لا هڅې وکړي.

د عامې روغتیا وزارت رهبري او کار کونکي د ډاکتر نرمګو د شهادت په پار د مرحوم کورنۍ، دوستان او همکارانو ته د ډاډګیرنې مراتب وړاندې کوي، له لوی څښتن تعالی څخه مرحوم ته جنت الفردوس او کورنۍ ته د جمیل صبر غوښتنه کوي.

Latest announcements

پنجشنبه ۱۴۰۳/۱/۲ - ۱۳:۲۴
Background image

د عامې روغتیا وزارت اړوند، د ټولو مرکزي او ولایتي محترمو رئیسانو د پام وړ!

دا چې د عامې روغتیا وزارت د مشرتابه له لوري د << یو روغتیايي کارکوونکی یو ونه>> تر شعار لاندې د نیالګیو د کښېنولو ملي کمپاین پیل شوې.

نو په همدې موخه د عامې روغتیا وزارت اړوند، د ټولو . . .

یکشنبه ۱۴۰۳/۱۲/۲۷ - ۱۱:۱۰
Background image

د تدارکاتو ریاست خبرتیا!

لکه څرنګه چې تاسې جریان کې یاست د ۱۴۰۲ ه ش مالي کال مخ په ختمېدو ده او لازم ده چې د همدې کال د پرمختیایې یعنې انکشافي بوديجې حوالې د روان کال د حوت د میاشتې تر اته ویشتمه اجرا شي، نو پر . . .

Back to announcements