د لغمان ولایت د الینګار ولسوالۍ اړوند د کلمان فرعي روغتیایي مرکز د بنسټ ډبره کېښودل شوه
د لغمان عامې روغتیا ریاست په هلو ځلو د علینګار ولسوالۍ اړوند د کلمان فرعي روغتیایي مرکز لپاره یو جریب ځمکه د موجودو قومي مشرانو په اتفاق، د عامې روغتیا ریاست مسؤلینو او د علینګار ولسوالۍ د مرستیال په شتون کې تعیین او د بنسټ ډبره یې د یادو مسؤلینو او قومي مشرانو په لاسونو کېښودل شوه.
په یاده ځمکه کې به د ځایي خلکو په همکارۍ د عامې روغتیا وزارت له نقشې سره سم تعمیر جوړ او ورسره به د سیمې خلکو ته اړین روغتیایي خدمتونه وړاندې شي.
