د پنجشیر ولایت حصه اول ولسوالۍ د سفید چهر ۲۰ بستریز روغتون د بیا رغونې چارې بشپړې شوې
په همدې موخه جوړو شویو مراسمو کې د پنجشیر ولایت د عامې روغتیا رئیس، ډاکټر حجت الله محمدي وویل: چې د دې روغتون د بیارغونې چارې د عامې روغتیا وزارت په همغږۍ د موؤف مؤسسې لخوا شروع شوې وې، چې په اساسي توګه بشپړې شوې.
ډاکټر محمدي زیاته کړه، چې د سفید چهر ۲۰ بستریز روغتون د بیارغونې چارو کې کاشي کاري، د اکسرې څانګې ترمیم، د عملیات خونې فعالول، د ۱۵ کېلو واټه لمریزې برېښنا څانګې فعالول، د ټولو څانګو رنګ کول، د اوبو رسولو سیسټم بیارغونه او د محافظتي کټارو نصبول شامل دي.
د یادونې وړ ده، چې د موؤف بنسټ له لوري اوس هم د یاد ولایت په مرکز او ولسوالیو کې یو شمېر نورو مهمو روغتیایي تاسیساتو د بیارغونې چارې دوام لري.
