د کونړ ولایت عامې روغتیا ریاست مسؤلینو ته د اداري پروسو ساده کولو په موخه روزنیز ورکشاپ ورکړل شو
د ا.ا.ا د چارو ادارې لوی ریاست د اداري اصلاحاتو او ملکي خدمتونو ادارې د اداري پروسو ساده کولو ریاست مرستیال، ښاغلي مفتي فرید احمد غزنوي او مل پلاوي د اداري پروسو ساده کولو او د چارو چټکتیا او شفافیت رامنځته کولو په موخه کونړ ولایت ته سفر ترسره کړ، چې ترڅ کې یې د یاد ولایت د عامې روغتیا ریاست مسؤلینو ته د اداري پروسو ساده کولو، شفافیت او په اداري چارو کې د چټکتیا او اسانتیاوو رامنځته کولو په اړه هر اړخیز معلومات ورکړل شول.
د کونړ د عامې روغتیا رئیس، قاري مظفرخان مخلص، د ګډونوالو له فعال ګډون څخه مننه وکړه او د اداري اصلاحاتو په عملي کولو یې ټینګار وکړ؛ تر څو د ولایت په کچه د روغتیايي خدمتونو د وړاندې کولو بهیر لا اغېزمن، شفاف او ګټور شي.
