د ګوزڼ واکسین د خدمتونو بهیر څرنګوالی تر بحث لاندې ونیول شو
د عامې روغتیا وزارت نوماند وزیر ډاکټر احمد جواد عثماني د اړوندو ادارو له استازو سره په یوه ناسته کې د ګوزڼ د واکسین د خدمتونو پر موضوع خبرې وکړې.
په دې ناسته کې، راتلونکي پړاوؤنو کې د واکسین کمپاینونو په لاره اچول، ستونزو او ننګونو ته د حل لارې رامینځته کول (په افغانستان کې د روغتیا بدلون) طرحې څخه په کار اخیستلو د واکسیناتورانو ترمینځ لا ډېرې همغږۍ په اړه بحث او د نظرونو تبادله وشوه.
ډاکټر احمد جواد عثماني په هېواد کې د واکسین خدمتونو په ځانګړي توګه د ګوزڼ واکسین د زیاتوالي پر اړتیا ټینګار وکړ او د اړوندو څانګو مسؤلینو ته یې لارښوونه وکړه چې په هېواد کې د ګوزڼ ویروس له مینځه وړلو لپاره لا ډېر کار او هڅه وکړي.
د عامې روغتیا نوماند وزیر وویل: چې د ګوزڼ ویروس له مینځه وړل د عامې روغتیا وزارت له کاري لومړیتوبونو څخه دی او موږ هڅه کوو چې په هېواد کې د ویروس د خپرېدو مخه ونیسو.
افغانستان او پاکستان هغه یواځیني دوه هېوادونه دي چې د ګوزڼ ویروس پکې شتون لري.
