د ICU متخصص

د دندې لنډیز :

د جدي څارنې د څانګې (ICU) متخصص مسؤلیتونه د بستر شویو ناروغانو منظمه معاینه، د ناروغانو د تاریخچې تکمیل، فزیکي معاینه، لابراتواري ازموینې، د ناروغانو مدیریت او تداوي، په داخل خدمت روزنو کې ګډون او د نویو کارکوونکو روزنه؛ خو یاد مسؤلیتونه یوازې په همدې نه محدودېږي.

مسؤلیتونه:

1. د بستر شویو ناروغانو تاریخچه اخیستل او اړوند اسناد تکمیلول.
2. د ناروغ د اړتیا له مخې فزیکي معاینه ترسره کول.
3. د ناروغ د اړتیا، رهنمودونو او فورمونو مطابق د لابراتواري او رادیولوژي ازموینو تکمیل، تحلیل او تفسیر.
4. د ناروغ د اړتیا او د جدي څارنې د څانګې د مسؤل د هدایت مطابق منظم کلینیکي ویزت ترسره کول.
5. د تاریخچې، فزیکي معاینې او لابراتواري پایلو پر اساس د ناروغۍ دقیق تشخیص.
6. د تشخیص او اړتیا مطابق د بستر شویو ناروغانو تداوي توصیه او مدیریت.
7. ډاډ ترلاسه کول چې د ICU اړوند پروسیجرونه په ناروغانو سمه توګه پلي شوي.
8. د جدي‌ ناروغانو مشوره، مدیریت او منظم تعقیب د هغوی د وضعیت مطابق.
9. د ارقامو راټولو له میتودونو او وسیلو سره سم د ارقامو په راټولو کې مرسته کول.
10. د نویو کارکوونکو او محصلینو (ټریني) کسانو په روزنه کې فعاله ونډه اخیستل.
11. د ورځنیو دندو پر مهال د ځانګړو معیارونو، پروتوکولونو، کړنلارو او مقرراتو رعایت.
12. د خپل مسلکي ظرفیت لوړول او په هغو روزنیزو پروګرامونو کې ګډون کول چې ورته ټاکل کېږي.
13. د معیارونو د پلي کېدو لپاره د کړنلارې (Action Plan) په چمتو کولو او د ICU د معیارونو په ربع وار بیاکتنه کې ګډون.
14. په ICU کې د ناروغانو او پایواز لپاره د وقایوي او لومړنیو روغتیايي مشورو وړاندې کول.
15. د تقسیم اوقات مطابق د شپې نوکریوالي ترسره کول.
16. په ICU او روغتون کې د انتان او وقایې په برخه کې فعال ګډون.
17. د پروژې د آمر او د جدي څارنې د مسؤل د هدایت مطابق د نورو سپارل شویو دندو ترسره کول.
18. د جدي څارنې د څانګې د انچارج پر وړاندې مسؤل او ځواب ویونکی دی.

د شاملېدو لازمي معیارونه او وړتیاوې:

1. باید افغان تابعیت ولري.
2. د راجستر شوي پوهنتون څخه د معالوي طب MD سند ولري.
3. د عامې روغتیا وزارت یا د لوړو زده کړو وزارت له‌خوا تصدیق شوی د تخصص سند ولري.
4. د داخله عمومي، جراحي عمومي یا انستیزیا متخصص وي (عمومي داخله متخصص ته ترجیح ورکول کېږي).
5. د افهام او تفهیم ښه مهارت ولري.
6. له ناروغانو، مراجعینو او همکارانو سره ښه برخورد او مناسب چلند ولري.
7. په دری، پښتو او انګلیسي ژبو کې د لیک، لوست او وینا عالي مهارت ولري.
8. د کمپیوټر ابتدایي مهارت ولري، په ځانګړي ډول په MS Office پروګرامونو کې.

د بست د اعلان لارښود:

قدرمنو کاندیدانو ته اطلاع ورکول کېږي چې خپله CV په لاندې ایمیل آدرس واستوي او یا یې هارډ کاپي د عامې روغتیا وزارت د کارکوونکو چارو لوی ریاست د کارموندنې د اعلاناتو چارو عمومي مدیریت  ته وسپاري.

یادونه: مهرباني وکړئ د ایمیل په موضوع کې د خپلې غوښتنې د بست عنوان او ولایت په واضح ډول ولیکئ.

ایمیل ادرس : mophgdhr1444@gmail.com

د اړتیا او یا نورو معلوماتو لپاره کولای شئ په دې شمېره ۰۲۰۲۳۱۲۴۲۲ اړیکه ونیسئ.