غور ولایت کې د روغتیایي مرکزونو د بیا رغونې ۱۳ پروژې او ۲۲ د اوبو رسونې سرچینو د ترمیم چارې په بریالیتوب سره بشپړې شوې
د دغه ولایت د الفاروق، ساغر، پسابند و لعل او سرجنگل ولسوالیو کې ۱۱ روغتیایي مرکزونه له بشپړې بیارغونې وروسته یې بېرته خپل فعالیتونه پیل کړل.
په دې بیارغونه کې روغتیايي کتنځایونه، نسایي ـ ولادي برخې، د واکسینومرکزونه، د اوبو رسولو سیستمونه، طبي وسایل او نورې اړینې برخې شامل وې. همداراز، د اکشن ایډ خیریه مؤسسې له لوري ۲۲ د اوبو رسونې سرچینې ترمیم شوې او دوه نور روغتیایي مرکزونه د ورلډ ویژن مؤسسې له لوري بشپړ او ګټې اخیستنې ته وسپارل شول.
د یادو پروژو ټولیز لګښت ۲۳ میلیونه او ۸۰۰ زره افغانۍ ته رسېږي، چې خلکو ته به د باکیفیته روغتیایي خدمتونو او سالم چاپېریال د لاسرسي کچه لوړه او د زرګونو اوسېدونکو لپاره به د خدمتونو د وړاندې کولو بشپړچمتووالی ولري.
د غورعامې روغتیا رئیس، مولوي عبدالواحد حماس، د یادو پروژو بشپړېدل د روغتیایي خدمتونو د ښهوالي په ځانګړي ډول په لرو پرتو سیمو کې یو مهم ګام وباله او د اړوندو بنسټونو له همکارۍ یې مننه وکړه.
نوموړي همداراز د روغتیایي خدمتونو د کیفیت د ساتنې او لا پیاوړتیا په موخه د دوامدار نظارت او تخنیکي ملاتړ پر دوام ټینګار وکړ.
