په هېواد کې د روغتیایي خدمتونو وړاندې کولو ته وده ورکولو په موخه د عامې روغتیا وزارت د رهبري پلاوي غونډه ترسره شوه

Panah_moph
پنجشنبه ۱۳۹۹/۱۰/۱۸ - ۲۱:۴۴
په هېواد کې د روغتیایي خدمتونو وړاندې کولو ته وده ورکولو په موخه د عامې روغتیا وزارت د رهبري پلاوي غونډه ترسره شوه

دغه غونډه د پالیسۍ او پلان جوړونې معین ښاغلي ډاکټر بشیر نورمل په مشرۍ، د روغتیايي خدمتونو وړاندې کولو معین ډاکټر وحید مجروح، د مالي او اداري معنیت سرپرست ډاکټر عبدالقدیر قدیر او د عامې روغتیا وزارت د رییسانو په شتون کې د روغتیایي خدمتونو وړاندې کولو د ښه کولو په پار د سهیلا صدیق په تالار کې ترسره شوه.

د پالیسۍ او پلان جوړونې معین په پیل کې د جلالتمآب ولسمشر د لارښوونو په اړه چې په هېواد کې د روغتیایي خدمتونو ښه کولو د تطبیق او پلي کولو په اړه چې د عامې روغتیا وزارت مسؤلینو ته سپارل شوې وه، له ګډونوالو سره یې خبرې وکړې او له روغتیایي مسؤلینو څخه په ټاکلي وخت کې د دغو لارښوونو د پلي کېدو غوښتونکی شو.

همدارنګه د عامې روغتیا وزارت معینانو د دغه لارښوونو د تطبیق او پلي کېدو لپاره د دغه وزارت له بېلابېلو برخو کمېټې ټاکلي دي تر څو په یو ټاکلي وخت کې له همغږۍ سره سم کوم اقدامات چې په دې برخه کې لازم دي ترسره شي.

د یادونې وړ ده د هېواد ولسمشر لخوا چې د روغتیایي خدمتونو وړاندې کولو د ښه کولو په پار کومې لارښوونې روغتیایي مسؤلینو ته ورکړل شوې دي په لاندې ډول دي: د روغتیایي کارکونکو کړنو ته د احترام په پار د څلي جوړ ول کوم چې د کورونا ویروس سره د مبارزې په لومړۍ کرښه کې یې خپل ژوند له لاسه ورکړﺉ دی، همدارنګه د دوی کورنیو ته د امتیازاتو په پام کې نیول/ځانګړې پاملرنه او د کار کونکو د ستاینې لړۍ چې په خورا سختو شرایطو کې خپلې دندې په ښه ډول ترسره کړي دي.

سربېره پردې د هغه ګمارنو د اعتبار نشتون چې د قانون له مخې یې واک د هېواد د ولسمشر دی اما د وزارت د مقام په حکم ګمارل شوي دي، د ټولو مشخصاتو په درلودو سره د هغه کار کونکو نوملړ/لیست چمتو او لېږل چې د NTA معاش کې شامل دي او نړیوالو مؤسسو څخه معاش تر لاسه کوي. په روغتونونو کې د خدمتونو ښه کول، د دوی اغېزمنتوب او ګټورتیا په نظر کې نیولو سره د پروژو بیاکتنه/ مدغم کول او همدارنګه د ولسمشر د لارښوونو په شمول ځینې نورې مسلې دي.

تازه خبرونه

شنبه ۱۳۹۹/۱۲/۱۶ - ۱۵:۳۸
Background image

د روغتیا په سکتور کې د اداري فساد پروړاندې مبارزه باندې د عامې روغتیا وزارت د رهبرۍ ټینګار

د عامې روغتیا وزارت د پلان او پالیسي معین ډاکټر بشیر نورمل نن د عامې روغتیا وزارت او مدني ټولنې د ګډې کمیټې په لومړۍ ناسته کې ګډون وکړ او د روغتیا په برخه کې د اداري فساد پر وړاندې. . .

شنبه ۱۳۹۹/۱۲/۱۶ - ۱۱:۱۲
Background image

زموږ هوډ په هېواد کې د روغتیايي خدمتونو د کیفیت او کمیت لوړول دي

د وزیر محمد اکبر خان روغتون د ارتوپيډي څانګه کې نه ستړې کیدونکې هڅې او د مسلکي پوهې لوړتیا د ارتوپيډي ستونزو د درملنې برخه کې د هیله بخښونکي پرمختګ لامل شوې ده.

نن ورځ، د پېچلو. . .

چهارشنبه ۱۳۹۹/۱۲/۱۳ - ۲۳:۵۸
Background image

د عامې روغتیا وزارت سرپرست وزیر د کورونا واکسین ترلاسه کړ

د عامې روغتیا وزارت سرپرست ډاکتر وحید مجروح او د دې وزارت د رهبري هئیت نن د کورونا واکسین ترلاسه کړ.

ډاکټر وحید مجروح د کورونا واکسین پلي کول، په هېواد کې د کورونا ویروس د له مینځه. . .

BACK TO NEWS