په ټول هېواد کې د پولیو واکسین کمپاین پیل شو

Panah_moph

کابل، ۲۲/۱۰/۱۴۴۳/ هـ . ق ۲/۳/۱۴۰۱ هـ. ش : د افغانستان اسلامي امارت د عامې روغتیا وزارت د یونیسف ادارې او د روغتیا نړیوال سازمان په همکارۍ نن په ټول هیواد کې د پولیو ضد واکسین کمپاین پیل کړ. دا په روان کال کې د پولیو د واکسین څلورم پړاو سرتاسري کمپاین دی، او موخه یې ۹،۹ میلیونه ماشومانو واکسین کول دي چې عمرونه یې له پنځو کلونو کم وي.

په دې کمپاین هغو ماشومانو ته چې د ۶ میاشتو تر ۵ کلونو پورې وي، ویتامین A ورکول کیږي چې د ناروغیو په وړاندې د هغوی د بدن معافیت سیستم د پیاوړي کولو لپاره فوق العاده ګټور دي.

د افغانستان د اسلامي امارت د عامې روغتیا وزیر ډاکټر قلندر عباد په هیواد کې اوسنې وضعیت د پولیو د واکسین د کمپاینونو او نورو روغتیايي خدمتونو د ښه تطبیق او وړاندې کولو لپاره مساعد وباله او له ټولو روغتیايي کارکوونکو او هغو کسانو څخه چې د پولیو واکسیناسیون په برخه کې کار کوي غوښتنه وکړه چې د دې ناروغۍ د له منځه وړلو لپاره پوره هڅې وکړي او د پنځو کلونو څخه کم عمره ماشومانو ته د پولیو واکسین کمپاین په ښه توګه تطبیق کړي.

افغانستان د پخوا په پرتله د پولیو له منځه وړلو ته ډير نږدې شوی او ټول هیوادوال باید په ګډه کار وکړي ترڅو د پولیو واکسین کمپاین په بریالیتوب سره پلي شي.

پوليو يوه ويروسي ناروغي ده چې د درملنې وړ نه ده او يوازې د واکسين په مټ يې مخه نيول کيداى شي. هغه ماشومان چې په دې ناروغۍ اخته کیږي د تل لپاره فلج یا مړه کیږي.

په روان زیږدیز کال کې تر اوسه د پولیو یوه مثبته پېښه له پکتیکا ولایت نه راپور شوې او د دغه ویروس جنیټیکي ریښه د پاکستان کویټې له مثبتو پېښو سره تړاو لري.

تېر کال په هېواد کې د پولیو څلور مثبتې پېښې راپور شوې وې، چې درې یې په کندوز او یوه یې په غزني ولایت کې ثبت شوې وې.

Latest announcements

چهارشنبه ۱۴۰۱/۴/۱ - ۱۰:۳۴
Background image

د مرستې غږ

د پکتيکا ولايت په ګيانې ولسوالۍ کې د را منځته شوي طبيعي  حادثې " زلزلې" له کبله زيات هيوادوال شهيدان او ټپيان دي ، د لمړنيو روغتيايي مرستو په خاطر د عامې روغتيا وزرات له لوري روغتيايي . . .

دوشنبه ۱۴۰۱/۳/۲ - ۱۵:۴۸
Background image

د نور روغتون د Retina او Occuloplasty څانګې فعاله شوې:

د عامې روغتیا وزارت د سترګو د روغتیایی خدمتونو د زیاتوالي په موخه د نور روغتون د Retina او Occuloplasty څانګو په کار پیل وکړ.

همدارنګه ټاکل شوې ده چې له پاکستان څخه د سترګو د متخصصینو . . .

دوشنبه ۱۴۰۱/۳/۲ - ۱۰:۲۷
Background image

په ټول هېواد کې د پولیو واکسین کمپاین پیل شو

کابل، ۲۲/۱۰/۱۴۴۳/ هـ . ق ۲/۳/۱۴۰۱ هـ. ش : د افغانستان اسلامي امارت د عامې روغتیا وزارت د یونیسف ادارې او د روغتیا نړیوال سازمان په همکارۍ نن په ټول هیواد کې د پولیو ضد واکسین کمپاین پیل . . .

Back to announcements