ژوند پاڼه
د محترم الحاج ډاکټر قلندر عباد ژوند لیک او پیژندنه
د عامې روغتیا وزارت سرپرست
الحاج ډاکټر قلندر عباد د علی جان زوی په ۱۳۵۹ هجري شمسي کال کې د پکتیکا ولایت د سرحوضه ولسوالۍ په مارزک کلي کې په یوه دیني ، پوهه ، علم
پروره، او مجاهده کورنۍ کې زیږیدلی دی. ښاغلي الحاج قلندر عباد خپلې لومړنۍ زده کړې د پیښورحضرت امام حسین او بی بی عایشه (رضی الله عنهما) ښونځی کې بشپړې کړي دي او دهغه څخه وروسته د ننګرهار طب پوهنځي کي شامل شواو د MD سند يې تر لاسه کړی. نوموړی د MS Urology په څانګه کې د اسلام اباد پاکستان میډیکل ساینسیس انستیتوت ( PIMS) کی یی ماستری تر لاسه کړی ده. ښاغلي ډاکټر الحاج قلندر د ملي ژبو سربیره، په انګلیسي او اردو ژبو هم پوهیږي.
سربیره پردې، د روغتیا په مختلفو څانګو کې په یو ورځنی او دری ورځنی ملي او بین المللی کنفرانسونو کې ګدون کړی او په خارج او داخل کې یی د روغتیا په خصوصی سکتور کې هم خپل هېوادوالو ته خدمات ترسره کړی دی.
الحاج ډاکټر قلندر عباد د افغانستان د اسلامی امارت د عامې روغتیا وزارت د سرپرست وزیر په توګه ژمن دی چې وزارت کې د ښه حکومتداری اصل پیاده کړي او هڅه کوي چې د اسلامي او شریعي اصولو او د ملي ارزښتونو په رڼا کې ټول افغان ولس چې د افغانستان په هرګوټ کې ژوند کوي بې له کوم توپیر څخه د معیاري او با کیفیته روغتیايي خدمتونو څخه برخمن شي.