کندز ولایت ته د عامې روغتیا وزارت د داخلي تفتیش رئیس سفر
د عامې روغتیا وزارت د داخلي تفتیش رئیس، مولوي محمد سلیم حقاني کندز ته د سفر پر مهال د روغتیايي خدمتونو ارزونې په موخه د یاد ولایت عامې روغتیا له رئیس، ډاکټر محمد الله حکمت سره ناسته ترسره کړه
د کندز عامې روغتیا رئیس، نوموړي ته د ښه راغلاست ویلو ترڅنګ په دغه ولایت کې د روغتیايي چارو څخه په ارزونې خوښي څرګنده، پر عامه روغتیايي خدمتونو یې خبرې وکړې او په دې برخه کې یې د بشپړې همکارۍ ډاډ ورکړ.
د تفتیش رئیس دغه راز، د مل تخنیکي ټیم سره په ګډه، د کندز سیمه ییز او روږدو ناروغانو درملنې روغتونونو له خدمتونو څخه په داسې حال کې چې د یادو روغتونونو مسؤلینو او روغتیايي کارکوونکو توضیحات ورکول لیدنه او دقیقه څېړنه ترسره او روغتیايي کارکوونکي یې خپلو مسؤلیتونو ته لا متوجه کړل.
نوموړي همداراز، د جک تطبیق کوونکې مؤسسې او کتلوي معافیت له امریت څخه هم لیدنه وکړه او کارکوونکو ته یې سپارښتنې وکړې؛ ترڅو خپلو مسؤلیتونو ته لا زیاته پاملرنه وکړي.
