د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي د معتادینو ۸۰ بستریز روغتون څخه نظارت ترسره کړ
په دغه نظارت کې ښاغلي مرستیال، له یو شمېر ډاکټرانو او بستر ناروغانو سره له نږدې ولیدل او د روغتیايي خدمتونو د څرنګوالي په اړه یې له هغوئ څخه پوښتنې وکړې، ترڅو د بستر ناروغانو د رضایت کچه وارزوي.
همدارنګه، د روغتیايي خدمتونو وړاندې کولو مرستیال، د یاد روغتون له ډاکټرانو سره په لیدنه کې د هغوی روغتیايي اړتیاوې واورېدې او د باکیفیته روغتیايي خدمتونو د وړاندې کولو او همدارنګه له ناروغانو سره د مناسب چلند پر اهمیت یې ټینګار وکړ.
