اوولس تنه سپین چپني سرتېري چې د بېړنیو زده کړو په پار کابل ته راغلي وؤ بیاځلې د کورونا ویروس سره د مبارزې لومړۍ کرښې ته ورګرځي
دوشنبه، غبرګولی ۱۰/۱۴۰۰
دغه ډاکتران له بدخشان، کندهار، پکتیا، پکتیکا، غزني، فاریاب، فراه، لغمان او کنړ ولایتونو څخه کابل ته راغلي او د ماسټر روزونکو په توګه روزل شوي دي. ټاکل شوې ده چې دوی خپلو ولایتونو ته تر بېرته ستنېدو وروسته، د کورونا روغتونونو کې نورو روغتیایي کار کوونکو ته د بېرنۍ پاملرنې په برخه کې روزنه ورکړي.
د عامې روغتیا وزارت سرپرست ډاکتر وحید مجروح، له دغو سپین چپنو سرتېرو سره په لیدنه کې د ټولو روغتیایي کار کوونکو په ځانګړي ډول هغوئ چې د کورونا ویروس سره د مبارزې په لومړۍ کرښه کې دي د عامې روغتیا وزارت مشرتابه پر کلک ملاتړ ټینګار وکړ، او دوی یې د روغتیا سکتور اتلان یاد کړل.
ډاکترمجروح، د هغه ډاکترانو د ژوند خوندیتوب چې د کورونا ویروس سره د مبارزې په لومړۍ کرښه کې واقع دي له خپلو لومړیتوبونو څخه وباله او ویې ویل: د دوی لپاره به د امتیازاتو او امکاناتو په برابرولو کې هېڅ ډول هڅه ونه سپموي.
دغه رزا دغه ډاکترانو ژمنه وکړه چې د کورونا ناروغانو ته د لاسرسي او درملنې لپاره به په پوره ایماندارۍ او توان هڅه وکړي.
