د روغتیايي خدماتو وړاندې کولو مرستیال د اختر په ورځو کې د روغتیایي خدماتو څخه لیدنه تر سره کړه
د افغانستان اسلامي امارت د عامې روغتيا وزارت د روغتیايي خدماتو وړاندې کولو مرستیال ښاغلي مولوي عبدالولي حقاني د اختر په لمړۍ ورځ په کابل کې د وزير محمد اکبر خان تخصصي روغتون له روغتیايي خدماتو څخه ليدنه ترسره کړه!
ښاغلي مرستیال په ياد روغتون کې د داخل بستر ناروغانو او روغتیایي پرسونل سره له نږدې ولیدل ، د ناروغانو د روغتیا د پوښتنې سره یې ورته د روغتیایي خدماتو ډاډ ورکړ ،ښاغلي مرستیال د روغتون نوکریوال روغتیايي پرسونل سره د لیدنې پر مهال د اختر په ورځو کې د دوۍ له خدماتو مننه وکړه او د اختر په مناسبت یې پرې نغدي هدیې وویشلې په پای کې روغتیايي پرسونل ته یې د لا ښو خدماتو سپارښتنې تر سره کړې تر څو هیوادوالو ته معیاري او پر وخت روغتیايي خدمات وړاندې شي.
