د روغتیایي خدمتونو وړاندې کولو مرستیال د ننګرهار ولایت د نښتر د پښتورګو درملنې ملي روغتون څخه لیدنه وکړه
د افغانستان اسلامي امارت د عامې روغتیا وزارت د روغتیایي خدمتونو وړاندې کولو مرستیال ښاغلي، مولوي عبدالولي حقاني ننګرهار ولایت ته د خپل سفر په ترڅ کې د مل پلاوي سره په ګډه د دغه ولایت د نښتر د پښتورګو درملنې ملي روغتون څخه لیدنه وکړه.
په دې لیدنه کې چې د ننګرهار عامې روغتیا رییس مولوي امین الله شریف او یو شمیر نورو مسؤلینو، یې ملتیا کوله د نښتر د پښتورګو درملنې ملي روغتون یو شمیر برخې له نږدې ولیدې، د بستر ناروغانو پوښتنه یې وکړه او د هغوی غوښتنې یې واوریدې.
ښاغلي، مرستیال یاد روغتون ته د پاملرنې او خدماتو لا پیاوړتیا په موخه د همکارۍ ډاډ ورکړ.
