د ا.ا.ا. د عامې روغتیا وزیر ښاغلي مولوي نور جلال جلالي په خپل کاري دفتر کې د ترکیې هیواد له سفیر ښاغلي جینک اونال سره لیدنه تر سره کړه
په دې لیدنه کې د افغانستان او ترکیې هیواد تر منځ د روغتیا په برخه کې همکارۍ ، افغان علمي کادرونو پر ظرفیت لوړونه ، د کابل اتاترک روغتون خدماتو پر پراختیا او ځینې ځانګړو څانګو ایجاد ، د هیواد د درملو برخې سیستم ارزونې ، د عاجلو او اړمنو ناروغانو لپاره د ویزې اسانتیا او د روغتیایي سیستم سره د هر اړخیزو مرستو اړوند خبرې تر سره شوې
د عامې روغتیا وزیر ښاغلي مولوي نور جلال جلالی د ترکیې هیواد د روغتیا په برخه کې له تلپاتې مرستو مننه وکړه او د روغتیا په برخه کې یې لا زیاته همکاري ګټوره وبلله.
