د ا.ا.ا د عامې روغتیا وزارت د مالي او اداري چارو مرستیال ښاغلي قاري عبدالولي صدیقي له مل پلاوي سره په کابل کې د الشفاء روغتون له ترمیماتي او ساختماني چارو څخه لیدنه ترسره کړه
ښاغلي مرستیال د الشفاء روغتون ریفورم او د خدماتو پیل د هېواد یو له مهمو اړتیاوو وبلل ، نوموړي اړونده مسؤولینو ته د دې روغتون د ترمیماتي چارو د ژر بشپړېدنې او د تعمیراتي او ترمیماتي چارو پر مهال معیاراتو ته د پام کولو اړوند لازمې سپارښتنې وکړې.
د یادونې وړ ده د عامې روغتیا وزارت د هیواد روغتیایي سیستم د خودکفایۍ لپاره هڅې پیل کړي چې په دې ترڅ کې د کابل الشفاء روغتون هم د یادو هڅو یوه بېلګه ده چې د خدماتو په پیل سره به یې ولسونه په کور دننه د ډیرو تخصصي او معیاري روغتیایي خدماتو څخه برخمن شي ان شاءالله .
