په کابل کې د افغانستان او ازبکستان ترمنځ د اقتصادي او درملو سکتور همکاریو د پیاوړتیا ناسته ترسره شوه
په مرکز کابل کې د افغانستان.ا.ا او ازبکستان هېواد ترمنځ د اقتصادي او سوداګریزو همکاریو پیاوړتیا په موخه جوړه شوې ناسته د روغتیايي سکتور او امارتي مسؤلینو او د دواړو هېوادونو د سوداګرو په شتون کې ترسره شوه.
په دې ناسته کې دواړو لورو د اقتصادي اړیکو پر پراختیا، د دوه اړخیزې سوداګرۍ برخه کې پر اسانتیا او د درمل جوړونې (د درملو صنعت) برخه کې د همکاریو پر پراختیا ټینګار وکړ او دا چاره یې د ځان بسیاینې، روغتیايي خدماتو ښه والي او اقتصادي ودې لپاره مهم ګام وباله.
د عامې روغتیا وزارت د خوړو او درملو مرستیال، ښاغلي مولوي حمدالله زاهد دغه ناسته د ګډو همکاریو پراختیا لپاره مهم فرصت وباله او د پانګونې د ملاتړ او سوداګرو ته د اسانتیاوو رامنځته کولو برخه کې یې د افغانستان.ا.ا پر ژمنتیا ټینګار وکړ.
همدارنګه، د ازبکستان د درمل جوړونې او صنعت د پراختیا ادارې رئیس عبدالله عزیزوف له افغانستان سره د هر اړخیزو همکاریو برخه کې د خپل هېواد چمتووالی، په ځانګړي ډول د درمل جوړونې برخه کې اعلان کړ.
په پای کې، د دواړو هېوادونو د درملو سوداګرو ترمنځ د څه باندې ۲۵ میلیونه امریکایي ډالرو په ارزښت ۱۳ سوداګریز قراردادونه لاسلیک شول، چې د افغانستان او ازبکستان ترمنځ د اقتصادي همکاریو پیاوړتیا برخه کې مهم ګام بلل کېږي.
