د عامې روغتیا وزارت د سترګو د ګرځنده روغتیايي خدمتونو ټیم نیمروز ولایت ته سفر کوي.
د بامیان ولایت ټولو درنو اوسېدونکو ته خبر ورکول کېږي، چې د عامې روغتیا وزارت د سترګو د ګرځنده روغتیايي خدمتونو ټیم، د هېواد په لرې پرتو سیمو کې د ړوندوالي د کچې راکمولو په موخه، د ۱۴۰۵ کال د لړم (عقرب) میاشتې له ۲۳مې نېټې څخه د لیندۍ (قوس) میاشتې تر ۷ مې نېټې پورې د بامیان ولایت د عامې روغتیا ریاست ته ځي او د دغه ولایت بېوزلو او اړمنو هېوادوالو ته په لاندې برخو کې د سترګو وړیا روغتیايي خدمتونه وړاندې کوي.
د سترګو د کترکت ۵۰۰ عملیاتو ترسره کول
د مطالعې لپاره د ۱۰۰۰ جوړو د نږدې لید عینکو وېشل
له ۴۰۰۰ څخه تر ۵۰۰۰ تنو ناروغانو ته د اړینو درملو وېشل
له همدې امله، د بامیان ولایت له ټولو هغو اوسېدونکو څخه چې د سترګو په ناروغیو اخته دي، غوښتنه کېږي، په ټاکل شوې موده کې د دغه ولایت د عامې روغتیا ریاست ته مراجعه وکړي او د عامې روغتیا وزارت د سترګو له ګرځنده وړيا روغتیايي خدمتونو څخه ګټه واخلي.
