د اکمال تخصص لوی ریاست خبرتیا!
د عامې روغتیا وزارت د طبي تخصصي کادر غړو د پام وړ.
د اکمال تخصص لوی ریاست د تخصصي برنامې استادانو د حقوقو د تامین، د ظرفیت لوړونې او د علمي لاسته راوړنو (څېړونو د پایلو) په موخه ژمن دی، چې د طبي تخصصي کادر غړو ته د قانون له مخې علمي رتبو ته ترفیع ورکړي.
نو په همدې اساس د طبي کادر متخصصینو شوری دویمې ناستې د پرېکړې پر بنسټ، چې د عامې روغتیا وزارت د رهبرۍ په مشرۍ جوړه شوې وه، ټاکل شوې کمېټې په عملي توګه د علمي رتبو برخه کې د اسنادو د کتلو چارې پیل کړې او د یادې پروسې د بشپړېدو لپاره به په پرله پسې درې اونیو کې کار ته دوام ورکړي.
له همدې امله هغه محترم استادان چې د پخوانیو اعلانونو سره سم یې د خپلو اسنادو د طی مراحلو په موخه په انلاین توګه نوملیکنه کړې وه، خپل اړوند برېښنالیکونه دې څاري؛ ترڅو د موضوع اړوند راتلونکي معلومات ترلاسه کړي.
د اکمال تخصص لوی ریاست
نېټه: ۳۰ / عقرب/کال ۱۴۰۳ چې د ۱۸/۵/۱۴۴۶ هـ ق سره سمون لري.
