د اکمال تخصص لوی ریاست خبرتیا!
موضوع: په FMIC، IAM او EMERGENCY روغتونونو کې د تخصص پروګرام لپاره د ټرېني ډاکټرانو جذب.
ټاکل شوې ده، چې د ۱۴۰۵ هـ ش کال لپاره د FMIC، IAM او EMERGENCY روغتونونو په تخصصي څانګو کې د خالي بستونو لپاره، اکمال تخصص پروګرام ته ټرېني ډاکټران جذب شي.
له همدې امله، هغه محترم ډاکټران چې د ازموینو ملي ادارې کې یې د اکمال تخصص پروګرام ازموینه په بریالیتوب سره ترسره کړي وي (لږ تر لږه ۵۰٪ نمبرې) او غواړي د یادو روغتونونو د تخصص پروګرام کې شامل شي؛ کولای شي د لاندې لینک له لارې نوم لیکنه وکړي.
د نوم لیکنې لینک:
د نوم لیکنې پیل: ۳۰ / جدي / ۱۴۰۴ هـ ش
د نوم لیکنې پای: ۶ / دلو / ۱۴۰۴ هـ ش
یادونه: د هر بست لپاره د مرکې په موخه درې تنه نوماندان ټاکل کېږي او له مرکې وروسته به یو تن د لوړو نمبرو پر اساس بست ته معرفي کېږي؛ هغه نوماندان چې په مرکه کې بریالي شي او هم مهاله د عامې روغتیا وزارت په روغتونونو کې هم بریالي اعلان شوي وي، د یادو روغتونونو بستونو ته تر معرفي کېدو وروسته به د عامې روغتیا وزارت روغتونونو ته د بیا معرفي کېدو حق ونه لري.
نوټ: له دې خبرتیا سره د هرې څانګې د بستونو شمېر هم ضمیمه شوی، ترڅو د نوم لیکنې پر مهال ورته پاملرنه وشي.
د اړتیا په صورت کې د اکمال تخصص لوی ریاست د معلوماتو له څانګې سره د دې شمېرې (0788209637) له لارې اړیکه ونیسئ او یا پیغام پرېږدئ.
د عامې روغتیا وزارت د اکمال تخصص لوی ریاست
۳۰ / جدي / ۱۴۰۴ هـ ش
۱ / شعبان / ۱۴۴۷ هـ ق
