نشست دریافت راه‌های حل ‌برای چالش‌های پروژه‌های انکشافی و مصرف بودجه سال 1398 وزارت صحت عامه

وزارت صحت عامه نشستی را به هدف دریافت راه‌های حل ‌برای چالش‌های پروژه‌های انکشافی و مصرف بودجه سال 1398 وزارت صحت عامه به روز دوشنبه  (6 حوت 1397 ) در تالار داکتر سهیلا صدیق راه اندازی کرد.

این نشست با حضور داشت داکتر ماموسی زیور، معین مالی و اداری وزارت صحت عامه، داکتر فدا محمد پیکان معین عرضۀ خدمات صحی وزارت صحت عامه، آقای منظور احمد نمایندۀ وزارت محترم مالیه، روسای عمومی و مسوولین پروژه‌های انکشافی وزارت صحت عامه راه اندازی شد.

داکتر ماموسی زیور، معین مالی و اداری وزارت صحت عامه، روی ترتیب طرح پروژه‌های انکشافی اختیاری، ترتیب پلان سالانه و ارایه گزارش پیشرفت کمی و کیفی دو ماه سال مالی 1398 پروژه‌های انکشافی، تعین یک نفر نماینده (فوکل پاینت) به وزارت محترم مالیه و طرح پلان‌های تدارکاتی صحبت نموده و به مسؤولان مربوط هدایت‌های لازم ارایه نمود.
در جریان این نشست مسوولین ادارات مربوطه نظریات شان را پیرامون چگونه‌گی موضوع ارایه کردند.