د پولیو له منځه وړلو بیړني عملیاتي مرکز رئیس د ننګرهار د عامې روغتیا له رئیس سره د همغږۍ ناسته ترسره کړه
د عامې روغتیا وزارت د پولیو له منځه وړلو بیړني عملیاتي مرکز رئیس، الحاج ډاکټر عبدالقدوس بریالي ننګرهار ولایت کې د پولیو ناروغۍ سره د مبارزې په موخه د یاد ولایت د عامې روغتیا له رئیس، مولوي امین الله شریف سره د همغږۍ ناسته ترسره کړه.
یاده ناسته د عامې روغتیا وزارت د پولیو له منځه وړلو بېړني عملیاتي مرکز رئیس، الحاج ډاکتر عبدالقدوس بریالي، د ننګرهار عامې روغتیا رئیس، مولوي امین الله شریف، د روغتیا نړیوال سازمان، یونیسف او تطبیق کوونکو مؤسسو د استازو په شتون کې ترسره شوه.
د پولیو له منځه وړلو بیړني عملیاتي مرکز رئیس په اوس وخت کې په ننګرهار ولایت کې د پولیو د پېښو او حالت په اړه معلومات ترلاسه کړل او په یاده برخه کې یې د ستونزو د حل ډاډ ورکړ.
