د ختیځ زون په دریو ولایتونو کې د ماشلومو (پشه خانو) د وېشلو کمپاین پیل شو
یاد کمپیاین د عامې روغتیا وزارت د ملاریا عمومي پروګرام مسؤل ډاکټر حزب الله فطرت او د ننګرهار د عامې روغتیا رئیس مولوي امین الله شریف په شتون کې د ملاریا او ډینګي ناروغیو د مخنیوي په موخه پیل شو.
دغه کمپاین په لومړي پړاو کې د ننګرهار په نازیانو او دوربابا، د کونړ په درې پیچ او د لغمان په علیشنګ ولسوالیو کې پيل شوی، چې وروسته به په تدریجي ډول د یادو ولایتونو ټولو ولسوالیو ته وغځول شي.
د پلان له مخې به د یاد کمپیاین په ترڅ کې په ننګرهار کې (۱,۴۵۰,۰۰۰)، په کونړ کې (۴۲۵,۰۰۰) او په لغمان کې (۴۸,۵۲۰) ماشلومي ووېشل شي.
همدارنګه، په ختیځ زون کې د ANC1 خدمتونو له لارې امیندوارو مېرمنو ته د (۹۷,۵۲۴) ماشلومو د وېش بهیر روان دی او په تورخم کې به راستنېدونکو کډوالو ته د (۱۳۲,۷۸۷) ماشلومو د وېش لړۍ هم پیل شي.
