د عاشورا په ورځ کابل کې له څلور سوه زره سي سي څخه زیاته وینه راټوله شوې
د عامې روغتیا وزارت د عاشورا په ورځ (د محرم په لسمه نیټه او د امام حسین د شهادت کالیزه) د وینې ټولولو کمپاین په لاره واچاو چې په کابل کې یې ۴۱۵۵۰۰ سي سي وینه راټوله کړې ده.
دغه کمپاین په کورونو، جوماتونو، تکیه خانو، روغتونونو، د وینې بانکونو او د کابل په بېلوبېلو برخو کې پیل شوی و.
د ولسمشر پخواني مرستیال، محمد کریم خلیلي هم پرون په کمپاین کې برخه اخیستې ترڅو خلک د وینې ورکولو ته وهڅوي.
راټولې شوې وینه به په معیاري توګه د وینې مرکزي بانک کې ساتل کېږي او اړمنو خلکو ته ورکول کېږي.
