د عامې روغتیا وزارت رهبرۍ د پاکستان هیواد د CPSP ادارې له پلاوي سره وکتل
د افغانستان اسلامي امارت د عامې روغتیا وزیر، ښاغلي مولوي نور جلال جلالي له پاکستان هېواد څخه د CPSP ادارې له راغلي پلاوي سره چې د دې ادارې رئیس، پروفیسر ډاکټر شعیب شفیع یې مشري کوله ناسته ترسره کړه.
په دې ناسته کې چې د کابل د تخصصي او ثالثي روغتونونو ټرینر متخصصینو او روغتیايي مسؤلینو شتون درلود د تخصصي برنامو په برخه کې د تجاربو په شریکولو، د روغتیايي پرسونل په ظرفیت لوړونې، د تخصصي برنامو د لا ډېر معیاري کولو او پر لنډ مهاله زده کړه ییزو برنامو بحث او خبرې ترسره شوې.
په دغه ناسته کې دواړو لوریو د تخصصي برنامو د معیاري کولو په موخه خپل وړاندیزونه شریک او د دوامداره همکارۍ اړوند نظرونه تبادله شول.
