د عامې روغتیا وزارت سرپرست د کندز ولایت د کووېډ -۱۹ روغتون کې د روغتیايي خدمتونو وړاندې کولو څرنګوالی وارزؤ
چهارشنبه، چنګاښ ۲/۱۴۰۰
د عامې روغتیا وزارت سرپرست، ډاکتر وحید مجروح، نن د کندز ولایتي روغتون د کړنو له ارزونې وروسته ددغه ولایت د کووېډ -۱۹ روغتون څخه لیدنه وکړه.
د عامې روغتیا وزارت سرپرست، ددغه روغتون د ډاکترانو هڅې وستایلې او د دوی کړنې یې د قناعت وړ وبللې.
ډاکټر مجروح، په دغه روغتون کې د اکسیجن د تولید دستګاه پر فعالولو ټینګار وکړ او زیاته یې کړه موږ هڅه کوو چې دغه روغتون کې د اکسیجن تولید دستګاه نصب کړو تر څو په دغه ولایت کې د اکسیجن د کمښت ننګونه حل شي.
هغه همدارنګه ددغه روغتون له کارکوونکو څخه وغوښتل چې د کورونا ناروغانو د درملنې په برخه کې لا ډېره هڅه وکړي.
