د کونړ عامې روغتيا رياست له لوري په دغه ولايت کې ۶۵ روغتیايي مرکزونو ته د ۱۰۰ میلیونه افغانیو په ارزښت درمل ورکړل شول
دغه درمل چې ټولیز ارزښت یې ۱۰۰ میلیونه افغانۍ کېږي، د عامې روغتیا وزیر ښاغلي مولوي نور جلال جلالي، د کونړ مرستیال والي مولوي عبدالله حقاني، د عامې روغتيا وزارت د مقام د دفتر لوی رئيس الحاج شيخ محمد طاهر حليم، د علماوو شورا استازو او يو شمېر نورو مسؤلینو په شتون کې د هېلت نېټ مؤسسې ولایتي مسؤل ته وسپارل شول؛ څو اړوندو روغتیايي مرکزونو ته ووېشل شي.
د کونړ عامې روغتیا رئیس، قاري مظفر خان مخلص وویل: دا درمل د اړتيا پر بنسټ روغتيايي مرکزونو ته ورکول کېږي؛ تر څو اړمنو کسانو ته معياري خدمات وړاندې شي.
