د عامې روغتیا وزارت سرپرست د ترکیې هېواد د سرې میاشتې له استازي سره وکتل
شنبه، غبرګولی ۲۹/۱۴۰۰
د عامې روغتیا وزارت سرپرست ډاکتر وحید مجروح، نن د ترکیې هېواد د سرې میاشتې ټولنې له استازي ښاغلي فرید ضیا سره په خپل دفتر کې وکتل.
په دې لیدنه کې د نشه یې توکو پروړاندې د مبارزې، حرفوي زده کړو او په زېربنأیي برخو کې د ترکیې سرې میاشتې د ګډې همکارۍ په اړه بحث اوخبرې وکړې.
ښاغلي ضیا په افغانستان کې د ترکیې د سرې میاشتې ټولنې لخوا په بشردوستانه مرستو باندې ټینګار وکړ او په یادو برخو کې یې د همکارۍ ژمنه وکړه.
د عامې روغتیا وزارت سرپرست، د افغانستان د روغتیا په برخه کې د ترکیې هېواد د همکارۍ له امله مننه وکړه او زیاته یې کړه سربېره پر دې چې دغه هېواد د کورونا ویروس د خپرېدو له امله سختې ورځې تېرې کړي دي، د افغانستان د عامې روغتیا وزارت سره یې خورا اغېزمنې مرستې کړي دي.
ډاکتر مجروح، له ښاغلي ضیا څخه وغوښتل چې د زړه جراحي د روزنې په برخه کې د عامې روغتیا وزارت سره همکاري وکړي.
