د افغانستان حکومت سره د طبي توکو مرسته کول
د سویلي کوریا هېواد لخوا د روغتیایي او طبي توکو یوه کڅوړه چې د کورونا ویروس سره د مبارزې په پار افغان حکومت سره مرسته شوې وه نن د یوې ناستې په ترڅ کې د عامې روغتیا وزارت ته وسپارل شوه.
په مرسته شوي طبي توکو کې د اته سوه زره امریکایي ډالرو په ارزښت د کورونا ویروس تشخیصیه کېټونه شامل دي.
د عامې روغتیا نوماند وزیر ډاکټر احمد جواد عثماني د عامې روغتیا وزارت او د افغانستان د حکومت په استازیتوب د جنوبي کوریا حکومت د دې مرستې له امله مننه وکړه او ویې ویل، چې مرسته شوي توکي د کورونا ویروس پر وړاندې مبارزه کې د روغتیا وزارت تر ټولو مهمه اړتیا وبلله.
د عامې روغتیا نوماند وزیر وویل چې دغه مرسته په داسې حال کې کېږي، کوم چې تېره اونۍ مې د سویلي کوریا له سفیر سره وکتل او د عامې روغتیا وزارت اړتیاوې مو ورته مطرح کړې.
ډاکټر عثماني د سویلي کوریا سفیر ته ډاډ ورکړ چې دغه مرستې به په مرکز او ولایتونو کې په شفاف او عادلانه توګه وویشل شي.
همدارنګه د عامې روغتیا نوماند وزیر په افغانستان کې د روغتیا په برخه کې د سویلي کوریا همکاریو پر دوام په ځانګړي توګه د بادغیس چې یو لرې پروت ولایت دی د مرستې غوښتونکی شو.
په افغانستان کې د سویلي کوریا سفیر ښاغلي ژا هوینګ ری وویل: چې د دې مرستې هدف د دواړو هېوادونو تر منځ د دوستانه اړیکو پیاوړتیا او د کورونا ویروس پر وړاندې مبارزه ده.
هغه په افغانستان کې د دوامداره همکاریو پر اړتیا هم ټینګار وکړ او زیاته یې کړه: "موږ د افغانستان د خلکو تر څنګ ودرېږو او په ټولو برخو کې د افغان حکومت سره مرسته کوؤ.
