د روغتیايي خدمتونو وړاندې کولو مرستیال خوست ولایت ته سفر وکړ او د روغتیايي مرکزونو فعالیتونه یې وارزول
د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني او مل پلاوي خوست ولایت ته د خپل سفر په ترڅ کې د دغه ولایت له ولایتي روغتون او یو شمېر روغتیايي مرکزونو څخه لیدنې وکړې
په دې سفر کې ښاغلي مولوي عبدالولي حقاني د خوست ولایت د عامې روغتیا رئیس په ملتیا له ولایتي روغتون، د غرشین روغتیايي فرعي مرکز، د میدان روغتیايي فرعي مرکز، د اسماعیلخېلو روغتیايي جامع مرکز او د نادرشاه کوټ روغتیايي جامع مرکز څخه لیدنې وکړې.
د یاد سفر موخه د روغتیايي مرکزونو له فعالیتونو څخه څارنه او د روغتیايي خدمتونو د وړاندې کولو بهیر له نږدې ارزونه وه؛ څو د تخنیکي پلاوي په همکارۍ شته ستونزې وپېژندل شي او د حل لپاره یې لازم اقدامات وشي.
د روغتیايي خدمتونو وړاندې کولو مرستیال د لیدنې پر مهال د روغتون بېلابېلې څانګې او د روغتیايي خدمتونو وړاندې کولو بهیر وکوت او د شته ستونزو د حل په موخه یې اړوندو مسؤلینو ته لازمې سپارښتنې وکړې.
