د روغتیا سکټور بودیجه کې د بې ځایه مالي لګښت مخینوي د ارزونې پایلې تر بحث لاندې ونیول شوې
د عامې روغتیا وزارت د پلان او پالیسۍ معین ډاکټر بشیر نورمل؛ نن د مالیې وزارت او اړوندو ادارو له استازو سره په کتنه کې د روغتیا سکټور بودیجې کې د لګښت د مخنیوي لپاره د مالي ارزونې پایلو په اړه خبرې وکړې.
په دې ناسته کې د مالیې وزارت استازي د ارزونې راپور چې په دې برخه کې تر سره شوئ دی او هغه ساحې چې مالي خطر پکې زیات دی شریک کړ او په دې برخه کې د اړوندو ادارو د نظرونو او وړاندیزونو غوښتونکی شو.
د عامې روغتیا وزارت د پلان او پالیسۍ معین د روغتیا په سکتور کې د مالي لګښت مخنیوئ مهم وباله او اړوندو ادارو ته یې لارښوونه وکړه چې د دې ارزونې پایلې له روغتیایي ادارو سره شریکې کړي او د روغتیا برخه کې د اړتیا مطابق خپل نظریات او وړاندیزونه وړاندې کړي.
همدارنګه ډاکټر بشیر نورمل وویل: د عامې روغتیا وزارت هوډ لري چې د هېواد په لیرې پرتو سیمو کې ټولو هېواد والو ته یو ډول روغتیایي خدمتونه وړاندې کړي.
