د عامې روغتیا وزارت سره د اورپایي اتحادیې د دوهمې دورې تخنیکي مرستو پیل او لومړۍ دورې پای په پار ناسته وشوه

Panah_moph
یکشنبه ۱۳۹۹/۸/۲۵ - ۲۱:۲۹
د عامې روغتیا وزارت سره د اورپایي اتحادیې د دوهمې دورې تخنیکي مرستو پیل او لومړۍ دورې پای په پار ناسته وشوه

دغه ناسته د عامې روغتیا وزارت د روغتیایي خدمتونو وړاندې کولو معین ښاغلي ډاکټر وحید مجروح، په افغانستان کې د اروپايي اتحادیې استازو، د GIZ دفتر او نورو مختلفو ادارو په شتون کې د سهیلا صدیق په تالار کې ترسره شوه.

د عامې روغتیا وزارت د روغتیايي خدمتونو وړاندې کولو معین ډاکټر وحید مجروح په دغه ناسته کې وویل: د افغانستان د عامې روغتیا وزارت په استازیتوب، د GIZ دفتر له لارې د اروپايي اتحادیې او د هېواد د عامې روغتیا وزارت ترمینځ د تخنیکي همکارۍ د لومړي پړاو بشپړېدو له امله مننه کوم او د دوهم پړاو همکارۍ پیل د افغانستان د روغتیا سیسټم پیاوړتیا لپاره یو اغېزمن ګام دی.

د روغتیایي خدمتونو وړاندې کولو معین د خپلو خبرو په دوام وویل: "اروپایي اتحادیه د روغتیا وزارت یو له مهمو شریکانو څخه دی او په لومړي پړاو کې د عامې روغتیا وزارت د دې اتحادیې د تخنیکي او مالي همکاریو په کارولو سره د هېواد په روغتیا سکتور کې ښې لاسته راوړنې لري."

همدا راز ډاکټر مجروح زیاته کړه له اروپایي اتحادیې د GIZ دفتر او نورو روغتیایي ملګرو څخه زموږ غوښتنه دا ده چې د نورو مهمو مسایلو سربېره، د روغتیایي مرکزونو سیستماتیک کول، څارنه او ارزونه ، په روغتونونو کې د ناروغانو د ثبت سیسټم رامینځته کول، د ساري ناروغۍ مخنیوي او نورو برخو کې د عامې روغتیا وزارت سره همکارۍ وکړي ترڅو د هېواد روغتیایي سیستم پیاوړی شي او د خلکو اړتیاوؤ ته ځوابو ویونکی اوسي.

دغه راز په دې ناسته کې د اروپایې اتحادیې په استازیتوب ښاغلي Wim Riepma وویل: "زه خوښ یم چې نن ورځ د اروپايي اتحادیې تر مینځ د تخنیکي او مالي همکارۍ د لومړي پړاو پای او د دې همکاریوو د دوهم پړاو پیل چې د GIZ دفتر له لارې د افغانستان د عامې روغتیا وزارت سره کېږي شتون لرو.

ښاغلي Wim زیاته کړه چې اروپایي اتحادیه له ډېرو کلونو راهیسې د افغانستان له حکومت او روغتیا وزارت سره په بېلابېلو برخو کې مرسته کوي او دا اتحادیه به په راتلونکي کې د افغانستان له حکومت او د روغتیا وزارت سره خپلو همکاریو ته دوام ورکړي.

له بلې خوا، د روغتیا وزارت سره د تخنیکي مرستې د پروژې مسؤل ډاکټر حشمت علي، چې د GIZ دفتر له لارې ترسره کېږي وویل: د افغانستان د روغتیا وزارت سره د اروپایي اتحادیې تخنیکي او مالي همکارۍ لومړی پړاو په 2016‎ کې پیل او تر 2020 پورې یې دوام وکړ.

موږ اوس د عامې روغتیا وزارت سره د دې مرستو د دوهم پړاو د پیل شاهدان یو چې د GIZ دفتر له لارې ملاتړ کېږي، په دې مرستو کې حکومت داري، د لومړي پړاو پروژو بشپړول، د سرچینو همغږي کول، د کورونا ویروس پر وړاندې مبارزه، تخنیکي برخې، ظرفیت لوړونه، د ستراتیژیو جوړول او نورې مهمې مسلې شاملې دي.

تازه خبرونه

چهارشنبه ۱۳۹۹/۱۰/۲۴ - ۱۵:۵۵
Background image

په افغان جاپان روغتون کې د بریښنایي طبي سیسټم د ثبت څانګه پرانیستل شوه

د عامې روغتیا وزارت د روغتیایي خدمتونو وړاندې کولو معین ډاکټر وحید مجروح؛ نن د افغان-جاپان روغتون کې د بریښنایي طبي ثبت سيسټم پرانیسته وکړه.

په پام کې ده چې د دې سیسټم په پرانیستلو سره. . .

چهارشنبه ۱۳۹۹/۱۰/۲۴ - ۱۴:۴۸
Background image

د روغتیایي خدمتونو د کیفیت ارزولو، د روغتیایي خدمتونو پلي کونکو مؤسسو مسؤلینو او روغتیایي شریکانو سره د لاهمغږۍ په پار غونډه ترسره شوه

د عامې روغتیا وزارت د مالي او اداري معینیت سرپرست ډاکټر عبدالقدیر قدیر؛ د یوې غونډې په ترڅ ګې د روغتیایي خدمتونو پلي کونکو او روغتیایي شریکانو له مسؤلینو سره د روغتیایي خدمتونو کیفیت ښه. . .

چهارشنبه ۱۳۹۹/۱۰/۲۴ - ۱۴:۲۳
Background image

د مالي او اداري معینیت سرپرست له یوشمېر استادانو او طبي متخصصینو سره وکتل

د عامې روغتیا وزارت د مالي او اداري معینیت سرپرست ډاکټر عبدالقدیر قدیر؛ نن د کابل روغتونونو له یو شمېر استادانو او متخصصینو سره وکتل.

په دې ناسته کې د کابل روغتونونو استادانو او. . .

BACK TO NEWS