د عامې روغتیا وزارت سرپرست د افغان جاپان او قصبې کووېډ -١٩ روغتونونو له بستري نارغانو روغتیا پالنه وکړه
سه شنبه، چنګاښ ٢٩/١٤٠٠
د عامې روغتیا وزارت سرپرست، ډاکتر وحید مجروح، نن (د لوی اختر لومړۍ ورځ) د افغان - جاپان او قصبې کووېډ-١٩ روغتونونو کې د بستري ناروغانو روغتیا پالنه او پوښتنه وکړه.
د عامې روغتیا وزارت سرپرست، د کورونا ناروغانو د روغتیا پالنې سربېره هغوﺉ ته د سلامتیا او روغتیا هیله وکړه.
ډاکتر مجروح، د کورونا ناروغانو د روغتیا پالنې ترڅنګ په افغان-جاپان او قصبې روغتونونو کې د روغتیایي خدمتونو د وړاندې کولو څرنګوالی وارزؤ.
د عامې روغتیا وزارت سرپرست، په دې مرکزونو کې د روغتیايي کارکوونکو له زیار څخه قدردانی وکړ او د هغوﺉ هڅې یې د ستایلو وړ وبللې.
هغه د یاد شوي روغتونونو روغتیايي کار کوونکو ته لارښوونه وکړه چې د ناروغانو درملنې او پاملرنې په پار هېڅ ډول هڅه ونه سپموي.
