د عامې روغتیا وزارت سرپرست د خوست ولایت د ګُربز او نادر شاه کوټ ولسوالیو له روغتیایي مرکزونو څخه لیدنه وکړه
پنجشنبه، د اختر لومری ورح، غویی ۲۳/١٤٠۰
دریم برخه:
د افغانستان د اسلامي جمهوریت د عامې روغتیا وزارت سرپرست ډاکتر وحید مجروح، د اختر په لومړۍ ورځ خوست ولایت ته د خپل سفر په لړکې دشپې ٨ بجو د دغه ولایت ګُربز ولسوالۍ ته ولاړ او د دې ولسوالۍ له جامع روغتیایي مرکز څخه یې لیدنه وکړه.
د عامې روغتیا وزارت سرپرست د دې مرکز خدمتونو د بیاکتنې سربېره په دې روغتیايي مرکز کې د ننګونو د حل لپاره د اړونده ادارو مسؤولینو ته لازمې لارښوونې وکړې.
ډاکترمجروح، د روغتیايي خدمتونو وړاندې کولو ته وده ورکول د عامې روغتیا وزارت یو لومړیتوب وباله او د دغه مرکز له روغتیايي مسؤولینو څخه یې وغوښتل چې خپل خدمتونه دې د روغتیایي نظریاتو په پام کې نیولو سره خلکو ته وړاندې کړي.
سربېره پردې، د ګربز ولسوالۍ د روغتیایي مرکز د خدمتونو له ارزونې وروسته، دشپې په ١٠ بجو د دې ولایت نادرشاه کوټ ولسوالۍ ته ولاړ او د دې ولسوالۍ د روغتیایي مرکز د روغتیایي خدمتونو وړاندې کول یې وارزول.
ډاکتر مجروح، په دې مرکز کې روغتیایي خدمتونه د ډاډ وړ وبلل او د روغتیایي کار کوونکو هڅې یې وستایلې.
