د عامې روغتیا وزارت نوماند وزیر په افغانستان کې د ایمرجنسي روغتونونو له عمومي مسؤل سره وکتل
د عامې روغتیا نوماند وزیرډاکټر احمد جواد عثماني نن په افغانستان کې د ایمرجنسي روغتونونو عمومي مسؤل ښاغلي ایمانویل او ورسره مل پلاوي سره په خپل دفتر کې وکتل.
د غونډې په لړ کې، دواړو لورو په افغانستان کې د ایمرجنسي روغتونونو د پرمخ وړلو څرنګوالي او په هېواد کې د روغتیايي خدمتونو کیفیت ښه کولو په اړه خبرې وکړې.
ډاکټر عثماني د روغتیايي خدمتونو د کیفیت لوړول او د روغتونونو اصلاح کول د خپلو کاري لومړیتوبونو څخه وباله او له هغوئ یې وغوښتل چې د عامې روغتیا وزارت سره په دې برخه کې مرسته وکړي.
ښاغلي ایمانویل د عامې روغتیا وزارت رهبرۍ له برنامې هرکلی وکړ او ویې ویل چې دوی چمتو دي په دې برخه کې د افغانستان د روغتیا سکتور سره مرستې وکړي.
