د عامې روغتیا وزیر په قطر هیواد کې د تخنیکي مشورتي ګروپ (TAG) ناسته کې ګډون وکړ

rasooli_admin
پنجشنبه ۱۴۰۳/۳/۳ - ۱۱:۱۲
MOPH

د افغانستان اسلامي امارت د عامې روغتیا وزیر، ښاغلي ډاکټر قلندر عباد او ورسره مل پلاوي قطر هېواد ته د خپل رسمي سفر په ترڅ کې د دې هېواد په پلازمېنې دوحه کې د پولیو له منځه وړلو پروګرام اړوند د تخنیکي مشورتي ګروپ (TAG) ناسته کې ګډون وکړ

یاده ناسته په افغانستان او پاکستان کې د پولیو د له منځه وړلو پروګرامونو په تړاو د بحث او مشورې په موخه جوړه شوې، چې څلور ورځې به دوام وکړي.

د افغانستان اسلامي امارت د عامې روغتیا وزیر، ښاغلي ډاکټر قلندر عباد په دې ناسته کې وویل:( د تېر په پرتله په هېواد کې پولیو واکسین ته خلکو لاسرسی ښه شوی، اوسمهال په ټول هېواد کې داسې سیمه نشته، چې اوسېدونکې یې واکسین ته لاسرسی ونه لري؛ دغه راز د ښځو په ګډون له ۷۰ زرو ډېر د لومړۍ کرښې کارکوونکي په افغانستان کې د پولیو له منځه وړلو پروګرام برخه دي.)

ښاغلي وزیر همداراز زیاته کړه: ( زه له تمویلوونکو او مرستندویه ادارو غوښتنه کوم، چې په افغانستان کې د دغه پروګرام او روغتیايي سیستم د پیاوړتیا په برخه کې لا ډېره همکاري وکړي.)

د یادونې وړ ده، چې د یادې څلور ورځنې ناستې په اوږدو کې به د NEOC، WHO، UNICEF، BMGF، CDC، GAVI او روټري انټرنېشنل استازي د تېرې TAG غونډې وړاندیزونه وڅېړي او د افغانستان او پاکستان دواړو هېوادونو د پولیو له منځه وړلو پروګرامونو لپاره به له اوسنیو شرایطو سره سم نوې سپارښتنې انتخاب او وړاندې کړي.

تازه خبرونه

پنجشنبه ۱۴۰۳/۱۱/۱۸ - ۱۲:۵۳
Background image

جوزجان او نیمروز کې له خصوصي روغتیايي سکټور څخه نظارت ترسره شو

د جوزجان او نیمروز روغتیايي مسؤلینو له لوري په یادو ولایتونو کې د خصوصي روغتیايي سکټور څخه نظارت ترسره شو، چې په پایله کې يې په جوزجان کې ۱۵ درملتونونه، ۴ کتنځایونه او ۲ لابراتوارونه د. . .

پنجشنبه ۱۴۰۳/۱۱/۱۸ - ۱۲:۲۵
Background image

یو شمېر روغتیايي کارکوونکو ته د ټرینرانو لپاره ټریننګ (TOT) تر عنوان لاندې پنځه ورځنی روزنیز ټریننګ ترسره شو

د عامې روغتیا وزارت غیر ساري ناروغیو د کنټرول او وقایې ډیپارټمنټ له لوري د ټولنې په کچه یو شمېر روغتیايي کارکوونکو ته د ټرینرانو لپاره ټریننګ (TOT) تر عنوان لاندې پنځه ورځنی روزنیز. . .

پنجشنبه ۱۴۰۳/۱۱/۱۸ - ۱۲:۱۸
Background image

د پولیو له منځه وړلو پروګرام د مشرتابه غړو اوونیزه ناسته ترسره شوه

یاده ناسته د پولیو له منځه وړلو ملي بېړني عملیاتي مرکز رئیس، الحاج ډاکټر عبدالقدوس بریالي په مشرۍ ترسره شوه، چې په کې د پولیو واکسین کمپاین د پوښښ زیاتولو په موخه له درې ورځو څخه څلورو. . .

BACK TO NEWS