د لوګر ولایتي روغتون څخه د عامې روغتیا وزارت نوماند وزیر لیدنه
د روغتیا وزارت نوماند وزیر ډاکټر احمد جواد عثماني لوګر ولایت ته د خپل سفر په لړ کې د دغه ولایت والي ښاغلي اجمل شاهپور سره د لوګر ولایت ولایتي روغتون له ټولو څانګو لیدنه وکړه.
ډاکټر عثماني په دې ولایت کې د روغتیایي خدمتونو ښه کولو په پار د یاد ولایت روغتیایي او پلي کوونکو مؤسسو مسؤولینو ته لار ښوونه وکړه.
د روغتون تر لیدو وروسته، د روغتیا نوماند وزیر یو ټیم وټاکه او لارښوونه یې وکړه ورته، چې ولایتي روغتون د معیاري تعمیر نه شتون له کبله د ښه روغتیایي خدمتونو په پار د نایب امین الله روغتون ته انتقال کړي تر څو د ولایت اوسېدونکو ښه معیاري روغتیایي خدمتونه وړاندې شي.
