د نرسانو نړیواله ورځ د یوې ناستې په ترڅ کې ونمانځل شوه
سه شنبه، غبرګولی ۴/۱۴۰۰
د عامې روغتیا وزارت د نرسانو نړیواله ورځ " د یوې رهبري لپاره غږ او د روغتیایي پاملرنې د راتلونکي لپاره یو لید لوری" تر شعار لاندې د یوې غوڼدې په ترڅ کې ونمانځله.
د عامې روغتیا وزارت د پالیسۍ او پلان جوړونې مرستیال ډاکتر بشیر نورمل، لومړی د هېواد نرسانو ته د دې ورځې په پار مبارکي وویله او د روغتیا په برخه کې یې د دوی د کړنې وستایلې.
د پالیسۍ او پلان مرستیال په هېواد کې د نرسانو او قابلو شورا جوړول د روغتیا په سکتور کې یوه لویه لاسته راوړنه وګڼله او ژمنه یې وکړه چې د عامې روغتیا وزارت مشرتابه به د نرسانو د مسلکي پوهې د ښه والي او لوړولو په برخه کې د ماسټرۍ او د دوکتورا په کچه هڅه وکړي.
سربېره پردې، ډاکتر نورمل په هېواد کې د نرسنګ سیسټم د کیفیت او اغېزمنتوب په ښه والي، د نرسانو مادي او معنوي امتیازاتو ته پاملرنه، د پوهاند غضنفرانسټیټیوټ د نرسنګ څانګه د لېسانس کچې ته لوړول، داخل خدمت لپاره د روزنې زمینه برابرول او د مشرتابه په کچه د نرسانو پرګمارنه یې ټینګار او ګډونوالو ته یې معلومات ور کړل.
همدارنګه په دې ناسته کې، په افغانستان کې د نړیوال روغتیایي سازمان استازي ډاکترلیو
دیپنګDr Luo Dapeng) ) وویل: د خوښۍ ځای دی چې نن ورځ د نرسانو د نړیوالې ورځ په نمانځغونډه کې ګډون لرم، نرسان د طبابت د ملا د تیر حیثیت لري او د یو هېواد په روغتیایي سکتور کې د دوی رول خورا مهم او حیاتي دی.
