د ننګرهار غني خیلو ولسوالۍ روغتون کې د رواني ناروغانو د درملنې او مشورې ځانګړی مرکز پرانیستل شو
د دغه مرکز پرانيستې پر مهال چې د ننګرهار عامې روغتیا رئیس مولوي امین الله شریف، د يادې ولسوالۍ د روغتیا مسؤل، يو شمېر نورو مسؤلینو او د سيمې اوسېدونکو شتون درلود، د عامې روغتيا رئيس د ذکر شوي مرکز د ساتنې سپارښتنه ترسره او ولسونو ته يې ډاډ ورکړ، چې د یاد مرکز خدمات به لا پراخه او نورې روغتیايي ستونزې به یې هم حل کړي.
ياد مرکز د UNFPA سازمان په مالي او د HealthNet مؤسسې په تخنیکي همکارۍ جوړ شوی دی.
