د هېواد په دریو ولایتونو کې شاوخوا 125 زره سي سي وینه راټوله شوه
د افغانستان د اسلامي جمهوریت د عامې روغتیا وزارت د شهید اونۍ او د هېواد ملي اتل احمدشاه مسعود د شهادت ١٩ کالیزې په مناسبت د وینې راټولولو کمپاین په لاره اچولی وؤ، چې د یاد کمپاین په پایله کې د هېواد په دریو ولایتونو کې 125500 سي سي وینه راټوله شوه.
دغه کمپاین د د وږي له 17 نېټې تر 19 پورې په کابل، پنجشیر او هرات ولایتونو کې پیل شوی ؤ. د عامې روغتیا نوماند وزیر ډاکټر احمد جواد عثماني له ټولو وینه ورکوونکو څخه مننه وکړه او خلکو ته یې ډاډ ورکړ چې راټوله شوې وینه به د روغتیا وزارت د وینې بانکونو کې په ښه او معیاري ډول وساتل شي، او د اړتیا سره سم به اړمنو خلکو ته ورکول کېږي.
