د پکتیا ولایت د عامې روغتیا ریاست په تالار کې د HMIS سیسټم شل تنه مسؤلینو ته د DHIS2 سیسټم د اغېزمنې کارونې په موخه ۳ورځنی ټریننګ وړکړل شو
یاد ټریننګ د عامې روغتیا وزارت د څارنې، پلټنې او روغتیایي معلوماتو لوی ریاست له لوري د پکتیا، پکتیکا، خوست او لوګر ولایتونو د عامې روغتیا او تطبیقوونکو مؤسسو د HMIS سیسټم شل تنه مسؤلینو ته د DHIS2 سیسټم د اغېزمنې کارونې، د معلوماتو کیفیت ساتلو، د ارقامو تحلیل او تجزیې او د کارونکو د حسابونو بیا کتنې په موخه ترسره شو، چې په کې د HMIS سیسټم تخنیکي ټرینرانو د معلوماتو د غوره مدیریت، په دقیق ډول د کړنو راپور ورکولو او د ارقامو شننې برخه کې خپل چمتو کړي موضوعات په عملي او نظري ډول ګډونوالو ته وړاندې کړل.
د یادونې وړه ده، چې DHIS2 یو پراخه معلوماتي سیسټم دی او د روغتیايي معلوماتو د مدیریت لپاره کارول کیږي.
دا سیسټم په ځانګړې توګه د ټولنې او روغتیایي مرکزونو څخه د معلوماتو راټولولو، ذخیره کولو، تحلیلولو او شریکولو لپاره ډیزاین شوی دی، چې د معلوماتو مدیریت او خوندي ساتلو لپاره په نړیواله کچه هم کارول کېږي.
