د کابل ښار د روغتونونو د وضعیت د ښه والي په موخه ناسته جوړه شوه
چهارشنبه، غوایی ۱۴۰۰/۱
د عامې روغتیا وزارت سرپرست ډاکټر وحید مجروح، د کابل د روغتونونو رئیسانو سره د دې روغتونونو د روغتیایي وضعیت د ښه والي په اړه خبرې وکړې.
په دې ناسته کې، د عامې روغتیا وزارت سرپرست د جمهوریت او ملالۍ زېږتون روغتونونو ته د جلالتمآب ولسمشر د سفر په اړه خبرې وکړې او له روغتیایي کار کوونکو څخه یې وغوښتل چې د کابل روغتونونو روغتیایي وضعیت د ښه والي او د جلالتمآب ولسمشر لارښوونو د پلي کولو لپاره دې لا ډېره هڅه وکړي.
همدارنګه ډاکتر مجروح، د هېواد د روغتونونو حالت د ښه کولو لپاره د ولسمشر لارښوونو د پلي کولو لپاره تخنیکي کمیټې وګمارلې، ترڅو دا کمیټې وکولی شي د روغتونونو طبي تجهیزاتو اړتیاوؤ، په هېواد دننه د درملو د تولید لېستونو بیاکتنې، په روغتونونو کې د درملتونونو جوړول، په روغتونونو کې د ناروغانو د راجع کولو سیسټم بیاکتنه او د ګودام څخه د درملو د توزیع سیسټم ته د ودې ورکولو لپاره تر هغه پورې چې وېشل کېږي کار د وکړي.
سربېره پردې، د عامې روغتیا وزارت سرپرست د تشکیل د نهایي کېدو، د روغتونونو اوسني وضعیت څخه د ویډیو کليپونو چمتو کولو، د روغتیا ملي جشنوارې په لاره اچولو کې د روغتونونو اساسي او فعال رول او د برخه والو سره د لا همغږۍ په اړه یې له ګډونوالو سره خبرې وکړې او له مسؤولینو یې وغوښتل چې د عامې روغتیا سره په برخه کې هر اړخیزه همکاري وکړي.
له بلې خوا، د کابل روغتونونو رئیسانو د جلالتمآب ولسمشر لارښوونو د پلي کولو په اړه چې د روغتونونو د روغتیایي وضعیت د ښه کولو په پار ورکړل شوي دي، خپل نظریات او وړاندیزونه د عامې روغتیا وزارت مشرتابه ته وړاندې کړل او د لا زیاتو همکاریو ژمنه یې وکړه.
