د کرونا ناروغي سره دمبارزې په لاره کې د شهيدو شويو روغتیايي کارکوونو په نومونو د ځينو روغتيايي مراکزو نوموونه
د عامې روغتيا وزارت چارسمبالي او نوماندوزير ښاغلی ډاکټر احمد جواد "عثماني" دهغه سفر په ترڅ کې چې دتیرې جمعې په ورځ( 23 د غبرګولي 1399) کال کې يې ننګرهار ولايت ته درلود, ددغه ولايت د هغو روغتيايي کارکوونکو له کورنيو سره یې د ليدلو ترڅنګ همدردي شريکه کړه, چې د کرونا ناروغي سره دمبارزې په لاره کې يې ژوند له لاسه ورکړی او شهيدان شوي دي •
ډاکټر جواد عثماني د روغتيا دبرخې له ټولو هغو کارکوونکو مننه او قدرداني وکړه, چې د کرونا ناروغۍ سره په لومړۍ کرښه کې د ځان قربانۍ ته چمتو ولاړ او خدمت کوي, او د وزارت د رهبرۍ لخوا يې ددوي د قاطع ملاتړ په برخه کې ټينګار وکړ •
نوموړي همدرانګه وويل : چې د کرونا ناروغي پر وړاندې د مبارزې په برخه کې د روغتيايي کارکوونکو له شپه او ورځ نه ستړي کيدونکي چوپړ او هڅو په صورت کې چې کوم رغتياپال کارمند خپل شرين ځان له لاسه ورکړی وي, د روغتونونو ځينې برخې به د همدغو شهيد شويو کارکوونکو په نومونو مسمی کيږي •
روغتيايي کارکوونکي په دغو ورځو کې له کرونا ناروغۍ سره په لومړۍ کرښه کې قرار لري , او شپه او ورځ د خلکو د ژوند دنجات لپاره هڅې کوي •
