په افغان جاپان روغتون کې د بریښنایي طبي سیسټم د ثبت څانګه پرانیستل شوه

Panah_moph
چهارشنبه ۱۳۹۹/۱۰/۲۴ - ۱۵:۵۵
په افغان جاپان روغتون کې د بریښنایي طبي سیسټم د ثبت څانګه پرانیستل شوه

د عامې روغتیا وزارت د روغتیایي خدمتونو وړاندې کولو معین ډاکټر وحید مجروح؛ نن د افغان-جاپان روغتون کې د بریښنایي طبي ثبت سيسټم پرانیسته وکړه.

په پام کې ده چې د دې سیسټم په پرانیستلو سره د ناروغ ټول مشخصات روغتون ته د رارسېدو څخه تر رخصتېدو پورې په آنلاین ډول ثبت شي.

ډاکټرمجروح، د دې څانګې پرانیستل د څېړنيزو اهدافو او ناروغ د مشخصاتو د ثبتولو برخه کې مهم ګام وباله او وویل: چې د دې سیسټم کارولو سره به مدیریت او اداري کلتور نور هم قوي شي.

هغه دغه راز زیاته کړه: "زه هیله لرم د افغان – جاپان روغتون چې د کورونا ویروس بحران کې شپه او ورځ د ناروغانو درملنې برخه کې هڅه کړې ده، له دې وروسته د روغتیایي خدمتونو وړاندې کولو برخه کې په یوه بېلګه بدل شي.

د روغتیایي خدمتونو وړاندې کولو معین د اړوندو څانګو مسؤلینو ته لارښوونه وکړه چې د دې سیسټم پیاوړتیا لپاره لا ډېرې هڅې وکړي او د راتلونکو دوه اونیو په ترڅ کې د دې سیسټم د کړنو پایله او مؤثریت شریک کړي.

په ورته وخت کې، ډاکټرمجروح د افغان - جاپان روغتون د کار کونکو له هڅو او کړنو مننه وکړه او د کورونا ویروس بحران کې یې د دوی خدمتونه نه هېرېدونکي وبلل.

دغه څانګه په یاد روغتون کې د MSI او MSH مؤسسو په مالي ملاتړ جوړه شوې ده.

تازه خبرونه

شنبه ۱۳۹۹/۱۱/۴ - ۱۱:۲۱
Background image

د روغتیایي خدمتونو وړاندې کولو ته د وده ورکولو په برخه کې د هېواد د ولسمشر لیدلوری له روغتیایي مسؤلینو سره د یوې ناستې په ترڅ کې شریک شو

د عامې روغتیا وزارت د روغتیایي خدمتونو وړاندې کولو معین ډاکټر وحید مجروح؛ نن د مرکز، ولایتي عامې روغتیا رئیسانو، روغتیایي شریکانو، د روغتیایي خدمتونو پلي کونکو مؤسسو او خصوصي سکتور. . .

پنجشنبه ۱۳۹۹/۱۱/۲ - ۱۵:۳۷
Background image

د عامې روغتیا وزارت د پالیسۍ او پلان معین ډاکټر بشیر نورمل د زابل له والي سره وکتل

د عامې روغتیا وزارت د پالیسۍ او پلان جوړونې معین ډاکټر بشیر نورمل؛ نن د زابل ولایت له والي جنرال احمدګل رسولي، په پارلمان کې د دغه ولایت استازي او د ولایتي شورا رییس سره وکتل.

په دې. . .

پنجشنبه ۱۳۹۹/۱۱/۲ - ۱۳:۰
Background image

د کورونا ویروس پروړاندې مبارزه کې د ولایتي روغتیایي مسؤلینو د کړنو څرنګوالی وارزول شو

د عامې روغتیا وزارت د پالیسۍ او پلان جوړونې معین ډاکټر بشیر نورمل؛ د مالي او اداري معینیت سرپرست ډاکټر عبدالقدیر قدیر، نن له لیرې لارې د یوې ناستې په ترڅ کې د ولایتونو د عامې روغتیا. . .

BACK TO NEWS