په ننګرهار کې ۱۵ غیرقانوني روغتیايي تاسیسات وتړل شول
ننګرهار ولایت کې د خیریه په نوم ۵ غیر قانوني فعالیت کوونکي کلينيکونه، یو لابراتوار، یو باب د روغتيايي محصولاتو او ۸ بابه د درملو پلورنځي له روغتيايي قوانينو څخه د سرغړونې او مسلکي کارکوونکو نه شتون له امله وتړل شول
د ننګرهار عامې روغتیا ریاست د څارنې او پلټنې مسؤلینو له لوري د جلال اباد ښار او بهسودو ولسوالۍ اړوند سيمو کې له يو شمېر روغتیايي تاسیساتو څخه نظارت ترسره کړ، چې پایله کې يې ۱۵ بابه تاسيسات له روغتيايي قوانينو څخه د سرغړونې او مسلکي کارکوونکو نشتون له امله وتړل شول او ۲۵ کیلو ګرامه له نېټې تېر او بې کیفیته درمل راټول او د له منځه وړلو په موخه ټاکل شوي ځای ته ولېږدول شول.
