په پکتیا کې د څه باندې ۱۰ میلیونه ډالرو په ارزښت د روغتیايي خدماتو تړون لاسلیک شو

د عامې روغتیا وزارت له لوري د پکتیا ولایت اوسېدونکو لپاره د روغتيايي خدمتونو پياوړتيا او پراختيا په موخه له (Health Net_ TPO) مؤسسې سره د (۱۰۳۴۹۰۹۹) لس میلیونه درې سوه نهه څلوېښت زره او نهه نوي ډالرو په ارزښت تړون لاسليک شو

دا تړون د روغتيايي خدمتونو کيفيت لوړولو، لاسرسي زياتولو او د ولس روغتيايي ستونزو کمولو په موخه د یو کال لپاره لاسليک شو، چې په پلي کېدو سره به یې د یاد ولایت اوسېدونکي له اساسي روغتیايي خدماتو برخمن او (۱۵۳۸) تنو ته به په روغتیايي برخه کې د کار زمينه هم برابره شي.

بل لور، د (Health Net_ TPO) مؤسسې استازو هم ډاډ څرګند کړ، چې ياده پروژه به د یو کال په ترڅ کې د ټولو ټاکل شويو معيارونو سره سمه پلي کړي او د خلکو روغتيايي اړتیاوو پوره کولو ته به ځانګړې پاملرنه کوي.