پوهنې وزارت د دولتي او خصوصي ښوونځيو د پرانيستلو طرحه عامې روغتيا وزارت ته وړاندې کړه
د عامې روغتيا وزارت د پلان او پاليسۍ معين ډاکټر بشير "نورمل" د پوهنې وزارت له مرستيال ښاغلي محمد ابراهيم شينواري، د ولسمشرۍ ماڼۍ د دوهم معاونيت استازو،د ولسي جرګې غړو، نړيوال روغتيايي سازمان،د لوړو زده کړو دولتي او خصوصي مٶ سساتو او نورو مختلفو ادارو د دولتي او خصوصي ښوونځيو د پرانيستلو په اړه د هيواد په کچه ليدنه او خبرې اترې وکړې.
د پاليسي او پلان معين وويل: د عامې روغتيا وزارت به د پوهنې وزارت وړاندې شوې طرحه تر څېړنې لاندې ونيسي د عامې روغتيا وزارت او د نړيوال رو غتيايي سازمان له لارښوونوسره په مطابقت کې کولاي شي د ولسمشرۍ ماڼۍ له تائيد وروسته په نژدې راتلونکي کې د دولتي او خصوصي ښونځيو په پرانيستلو اقدام وکړي.
دا طرحه د ټولنيز واټن مراعتول، په باربار توګه هر ورځ په اوبو او صابون د لاسونو مينځل،له ماسک څخه ګټه اخيستنه،د لاسونو نه ورکول، له لويو ټولګيو ګټه اخيستنه، د درسي ساعتونو کمول، د درسي مضامينو محدودول او نورو مهم ټکي احتوا کوي.
همدارنګه په دې ناسته کې د مختلفو اداراتو استازو خپل نظريات او وړانديزونه د دولتي او خصوصي ښوونځيو د پرانيستلو په اړه مطرح کړل او د هيواد په کچه په نژدې راتلونکي کې د ښوونځيو د پرانيستلو غوښتنه وکړه.
