د کابل ولایت د تغذیې خدمتونو د پیاوړتیا په موخه د عامې روغتیا وزارت او AADA مؤسسې ترمنځ تړون لاسلیک شو
د عامې روغتیا وزارت له لوري د کابل ولایت اوسېدونکو لپاره د روغتيايي خدمتونو پياوړتيا او پراختيا په موخه له Agency for Assistance and Development of Afghanistan-AADA مؤسسې سره د (۱۹۰۶۹۶) یو سل نوي زره شپږ سوه شپږ نوي ډالرو په ارزښت تړون لاسليک شو
دا تړون د روغتيايي خدمتونو کيفيت لوړولو، لاسرسي زياتولو او د ولس روغتيايي ستونزو کمولو په موخه د یو کال لپاره لاسليک شو، چې له مخې به یې د ۴۲ روغتيايي مرکزونو له لارې د دې ولایت (۹۶۹۳۷) تنو حاد متوسط خوارځواکو کوچنيانو او شېدې ورکوونکو مېندو ته د تغذیې خدمتونو وړاندې کېږي او (۴۷) تنو ته به روغتیايي برخه کې د کار زمینه برابره شي.
بل لور، د AADA مؤسسې استازو هم ډاډ څرګند کړ، چې ياده پروژه به د یو کال په ترڅ کې له ټولو ټاکل شويو معيارونو سره سمه پلي کړي او د خلکو روغتيايي اړتیاوو پوره کولو ته به ځانګړې پاملرنه کوي.
